لە دوورگەكانی وڵاتی توونس دوو بەلەمی كۆچبەران نوقووم بوون كە زیاتر لە 110 كۆچبەری كیشوەری ئەفریقیای هەڵگرتبوو، تا ئێستا تەرمی 27 كۆچبەر دۆزرانەتەوە كە بەشێكیان ئافرەت و منداڵن.
میدیاكانی توونس بڵاویان كردەوە: لە شەوی سەری ساڵ لە نزیك دوورگەی ئەرخەبیل لەنێو ئاوەكانی وڵاتی توونس دوو بەلەمی كۆچبەران نوقووم بوون كە نزیكەی 110 كۆچبەری وڵاتانی كیشوەری ئەفریقیای هەڵگرتبوو و دەیانویست بە نایاسایی و لە رێگەی ئاوییەوە بچنە وڵاتانی ئەوروپا.
تیمەكانی رزگاركردن لە توونس لەنێو دوو بەلەمە نوقوومبووەكەدا تا ئێستا توانیویانە 83 كۆچبەر رزگار بكەن، هەروەها تەرمی 27 كەسی دیكەشیان لەنێو ئاو دۆزیوەتەوە كە بەشێكیان ئافرەت و منداڵن.
لەنێو ئەو 83 كۆچبەرەی تا ئێستا رزگاركراون، 15 كۆچبەریان بارودۆخی تەندروستییان خراپ بووە و بەپەلە گواستراونەتەوە بۆ نەخۆشخانەكان.
لە ساڵی 2024 تیمەكانی رزگاركردن لە وڵاتی توونس نزیكەی 700 تەرمیان لەنێو دوورگە ئاوییەكان ئەو وڵاتە دۆزیوەتەوە كە زۆربەیان هاووڵاتی كیشوەری ئەفریقیا بوون و هەوڵیان دەدا بچنە وڵاتانی ئەوروپا.
کۆمێنت (0)
تا ئێستا هیچ کۆمێنتێک نەکراوە.