كەسێك له سنووری پارێزگای سلێمانی نزیكەی 35 داری بەڕووی بڕیوە و پێش ئەوەی بیانبات بۆ سووتاندن، دەستیان بەسەرداگیراوە و خۆشی هەڵاتووە.
بەڕێوەبەرایەتی پۆلیسی دارستان و ژینگەی سلێمانی لە ڕاگەیەنراوێكدا بڵاویكرده‌وه، لەئەنجامی دەرچوونی مەفرەزەیەکی بنکەی پۆلیسی دارستان و ژینگەی خەلەکان بۆ سنوری گوندی فریزەڵە بۆ پاراستنی ژینگەو سروشتی ناوچەکە دوای گەڕان و پشکنینی ووردی سنورەکە بینرا کەوا کۆمەڵێک دار بڕدراون، کە ژمارەیان نزیکەی35 دار دەبێت لەجۆری بەڕوو، بەڵام کەسی سەرپێچیکار نادیار بوو .
ئاماژه‌ی به‌وه‌ش داوه، پاشان پەڕاوی لێکۆڵینەوەی بۆ ڕێکخراوە و خراوەتە بەردەست دادوەر بۆ وەرگرتنی ڕێکاری یاسایی و بەدواداچوون بەردەوامە بۆ دۆزینەوەی سەرپێچیکار .
کۆمێنت (0)
تا ئێستا هیچ کۆمێنتێک نەکراوە.