وەزارەتی خوێندنی باڵا و توێژینەوەی زانستی لە پێناو زیاتر پشتیوانیکردنی قوتابیان، بڕیارە وانەیەکی تایبەت بە پەرەپێدانی کار و کارسازی بۆ سیستەمی خوێندنی زانکۆکان زیاد بکات.
بەڕێوەبەرایەتیی سەنتەرەکانی پەرەپێدانی کاری سەر بە وەزارەتی خوێندنی باڵا و توێژینەوەی زانستی، بە هەماهەنگی لەگەڵ ڕێکخراوی (UNDP)ی ئەمریکی، خولێکی ڕاهێنانی ڕاهێنەران بۆ زیاتر لە 40 مامۆستای زانکۆ کردەوە و مامۆستاکان لە 15 زانکۆی حکومی و 5 زانکۆی تایبەتەوە لە خولەکە بەشدار بوون.
سەرجەم مامۆستایانی بەشداربوو، دوای بەشدارییکردنیان لە خولەکە، وەک ڕاهێنەر، ڕاهێنان بە مامۆستاکانی دیکەی زانکۆکانیان دەکەن.
ئامانجی وەزارەتی خوێندنی باڵا و توێژینەوەی زانستی لە کردنەوەی ئەم خولە، ئامادەسازییە بۆ پەرەپێدانی کار و کارسازی لە سیستەمی خوێندنی زانکۆکان لە داهاتوو؛ ئەمەش لەپێناو هاوکاریکردنی قوتابیانی زانکۆ و ئامادەکردنیان بۆ بازاڕی کار لە کەرتی تایبەت، یاخود ئاراستەکردنیان بۆ دامەزراندنی چالاکیی بازاڕگەریی تایبەت بە خۆیان.
کۆمێنت (0)
تا ئێستا هیچ کۆمێنتێک نەکراوە.