سه‌رۆکی سووریا، به‌شار ئه‌سه‌د وڵاتانی ڕۆژئاوای به هه‌وڵدان بۆ کێشانی نه‌خشه‌یه‌كی نوێ بۆ ڕۆژهه‌ڵاتی ناوه‌ڕاست تۆمه‌تبارکرد و به‌پێشهاته‌کانی ئه‌م دواییه‌ی سووریا تۆمه‌تباریانکرد، ئەسەد ئەم لێدوانەی لە پەیوەندییەکی تەلەفۆنیدا لەگەڵ سەرۆکی ئێران، مەسعود پزیشکیان کرد.
به گوێره‌ی سه‌رچاوه‌كانی هه‌واڵ، له په‌یوه‌ندییه ته‌له‌فۆنییه‌كه‌یدا له‌گه‌ڵ سه‌رۆكی ئێران، مه‌سعود پزیشكیان، سه‌رۆكی سووریا رایگه‌یاندووه كه ئه‌م پێشهاته نوێیه پیلانی ئه‌مه‌ریكا و ئیسرائیله بۆ دابه‌شكردنی نه‌خشه‌ی رۆژهه‌ڵاتی ناوه‌راست و هێنانه كایه‌ی هه‌ندێك ده‌وڵه‌تی نوێ له ناوچه‌كه‌دا و ئه‌مه‌ش وه‌ك مه‌ترسییه‌كی بۆ سه‌ر ناوچه‌كه وه‌سفكرد.
بەگوێرەی هەواڵی ئاژانسی هەواڵی ئێرنای ئێران، مه‌سعود پزیشكیان،پشتگیریی وڵاته‌كه‌ی بۆ حكومه‌تی سووریا دووپاتكردۆته‌وه، ئه‌مه‌ش له‌كاتێكدایه كه ئاژانسی هەواڵی ڕۆیتەرز لە زاری دوو سەرچاوەی ئاسایشی عێراقییەوە بڵاویکردەوە کە شەوی یەکشەممە لانی کەم 300 چەکدار کە زۆربەیان ئەندامی سوپای بەدر و بزووتنەوەی بەرگری ئیسلامی ئەلنوجەبان لە رێگەی نافەرمیەوە چوونەتە ناو سوریا.
کۆمێنت (0)
تا ئێستا هیچ کۆمێنتێک نەکراوە.