ئەمشەو یەكشەممە لە شەقڵاوە، كەسێك بە گولـلە دایك و خوشكێكی خۆی دەكوژێت و دواتریش خۆی رادەستی هێزەكانی پۆلیس دەكات.
ئاسایشی هەولێر لەبارەی رووداوەكە رایگەیاند: کەمێک لەمەوبەر لە ڕووداوێکی تەقەکردندا لە قەزای شەقلاوە لەلایەن تۆمەتبارێک بەناوی ( ڕ. ش. ف) بە هۆکارێکی نادیار، هەڵساوە بەتەقەکردن لە دایک و خوشکێکی خۆی.
راشیگەیاند: لە ئەنجامی تەقەكان دایك و خوشكەكە هەردووكیان گیان لەدەستداوە.
هەروەها رایگەیاند: تۆمەتبارەكە دوای ئەنجامدانی ئەم تاوانە، لە نەخۆشخانەی شەقڵاوە خۆی ڕادەستی هێزەکانی ناوخۆ کردووە.
ئاسایشی هەولێر جەختیشی كردەوە كە لێکۆڵینەوەكان سەبارەت بە رووداوەكە بەردەوامە.
کۆمێنت (0)
تا ئێستا هیچ کۆمێنتێک نەکراوە.