به‌هۆی شه‌ڕی نێوان حزبوڵڵای لوبنان و ئیسڕائیل، لوبنان 10 ساڵ گه‌رایه‌وه دواوه. ئه‌مین سەلام، وەزیری ئابووری لوبنان ڕایگەیاند، شه‌ڕی لوبنان وایكردووه كه وڵاته‌كه 10 ساڵ بگه‌ڕێته‌وه دواوه، گوتیشی، تێچووی زیانە ماددی و ئابوورییەکانی شەڕی لوبنان زیاترە لە 20 ملیار دۆلاره.
وه‌زیری ئابووری لوبنان به پێگه‌ی حوره‌ی ئه‌مه‌ریكی ڕاگه‌یاندووه، لە نێوان سێ بۆ پێنج ساڵی سەختی ئابووری لوبنان، ئێستا ئاوەدانکردنەوە و بنیاتنانەوەشی هاتە سه‌ر كه ئه‌مه زیانی بۆ ژێرخانی ئابووری ئه‌و وڵاته هه‌یه.
هاوكات ئەمەریکا فشار دەخاتە سەر لایەنە بەشدارەکانی شەڕەکە، بۆ ڕێککەوتن و کۆتایی هێنان بەو شەڕ و پێکدادانانەی کە ماوەی زیاتر لە ساڵێکە لە نێوان حزبوڵلا و ئیسرائیل بەردەوامە، لە ماوەی دوو مانگی ڕابردووشدا شه‌ڕه‌كه زیاتر پەرەی سەندووە و مەترسی فراوانبوونی ململانێکان لە ناوچەکەدا دروست بووه.
له‌لایه‌كی تریشه‌وه سه‌رۆكایه‌تی فه‌ڕه‌نسا ڕایگه‌یاندووه، گفتوگۆکان لەسەر ئاگربەستی نێوان ئیسرائیل و حزبوڵڵا پێشکەوتنی بەرچاوی بەخۆوە بینیوه. هه‌روه‌ها سه‌رچاوه باڵاكانی لوبنان ڕانانگه‌یاندووه، ڕه‌نگه له ماوه‌ی 36 كاتژمێری داهاتوودا ئاگربه‌ست ڕابگه‌یه‌نرێت له‌لایه‌ن سه‌رۆكی ئه‌مه‌ریكا و سه‌رۆكی فه‌ڕه‌نسا.
کۆمێنت (0)
تا ئێستا هیچ کۆمێنتێک نەکراوە.