هەنار یەكێكە لەو میوە نایابانەی كە مێژوویەكی دوور و درێژی لە بەهای خۆراكی و چارەسەری پزیشكیدا هەیە بەهۆی ئەو رێژە زۆرەی لە ڤیتامین و پێكهاتە خۆراكییان كە تێیدا هەیە.
لەنێو پێكهاتەی هەناردا كۆمەڵێك جۆری ڤیتامین و كانزا و ریشاڵ هەیە، هەروەها كۆمەڵێك پێكهاتەی رووەكیشی تێدایە كە سوودێكی ئێجگار زۆر بە تەندروستی مرۆڤ دەگەیەنێت.
یەكێك لە سوودە هەرە سەسوڕهێنەرەكانی هەنار بۆ مرۆڤ ئەوەیە كە دڵ بە تەندروستییەكی باش و گەنجی دەهێڵێتەوە ئەویش لە رێگەی چالاككردنی زیاتری دەمارەكانی خوێنە.
هەنار رێژەیەكی باش لە ماددەی پۆلیڤینۆلاتی تێدایە كە دژە ئۆكسانێكی بەهێزە و تاڕادەیەكی باش هەوكردن لە لەشدا كەم دەكاتەوە و هاتوچۆی خوێنیش لە خوێنبەرەكان چالاكتر دەكات.
خواردنی هەنار بەشێوەی رۆژانە دەبێتە هۆی كەمكردنەوەی چەورییە زیانبەخشەكان و دابەزینی رێژەی پەستانی خوێن، كە ئەمانە هۆكاری سەرەكین بۆ نەخۆشییەكانی دڵ.
لە نوێترین تۆژینەوەدا دەركەوتووە ئەو كەسانەی هەنار بەڕێژەیەكی باش دەخۆن، تەندروستی دڵیان باشترە لە كەسانی دیكە.
کۆمێنت (0)
تا ئێستا هیچ کۆمێنتێک نەکراوە.