بەرگریی شارستانی هەولێر رایدەگەیەنیت، بەیانی ئەمڕۆ هەینی لە شاری هەولێر ئاگر لە چەند كۆگایەك كەوتەوە، بەڵام تیمەكانیان توانیان بەبێ زیانی گیانی ئاگرەكە كۆنتڕۆل بكەن.
بەرگریی شارستانی هەولێر رایگەیاند: سەرلەبەیانی ئەمڕۆ هەینی کاتژمێر 7:20 ڕووداوی ئاگرکەوتنەوە لە ناو کۆگای زنجیرە ماڕكێتەكانی تيم مارت كەوتەوە.
راشیگەیاند: بەهۆی ئاگرەكە سێ مۆلیدە و تانكییەكی گازی كارگەی دروستكردنی بۆڕی گڕیان گرت و سوتان.
هەروەها رایگەیاند: تيمەکانی بەرگریی شارستانی هەولێر بە خێرايی گەيشتنە شوێنی ڕووداوەكە و بەپەلە ڕێگریيان کرد لە سوتانی کارگەکە و دوو مۆليدەی دیكە.
بەرگریی شارستانی هەولێر ئاماژەی بەوەش دا كە تیمەكانیان توانیان بەبێ هیچ زيانێكی گیانی ئاگرەكە کۆنتڕۆڵ بکەن.
کۆمێنت (0)
تا ئێستا هیچ کۆمێنتێک نەکراوە.