هەندێ خۆراك هەیە بە دووبارە گەرمكردنەوەیان زیان بە مرۆڤ دەگەیەنن و دەبنە هۆكاری ژەهراویبوون و سكچوون و رشانەوەی توند.
بۆیە پسپۆرانی خۆراك ئامۆژگاری هاووڵاتییان دەكەن خۆیان لە گەرمكردنەوەی ئەم جۆرە خۆراكانە بەدووربگرن، بەشێك لە خۆراكەكانیش بریتین لە:-
سپێناخ:
سپێناخ ماددەی نیتراتی تێدایە، لە كاتی دووبارە گەمكردنەوە دەگۆڕێت بۆ نیتریتی ژەهراوی و مرۆڤ تووشی ئازاری زۆر و سچكوون و رشانەوە دەكات.
پیاز و كەرەوز:
بەهەمانشێوە نیتراتی نێو پیاز و كەرەوز بە دووبارە گەرمكردنەوە دەبێتە نیتریتی ژەهراوی و زیانێكی زۆر بە مرۆڤ دەگەیەنێت.
كوارگ:
گەمكردنەوەی كوارگ دەبێتە هۆی دروستبوونی ماددەی ژەهراوی، بۆیە ئامۆژگاری هاووڵاتییان دەكرێت زیاتر لە رۆژێك كوارگ لەنێو ساردكەرەوە هەڵنەگرن، هەروەها لەنێو فڕن و مایكڕۆش دووبارە گەرمی نەكەنەوە.
پەتاتە و برنج:
هەڵگرتنی پەتاتە و برنج دوای ئامادەكردن، بەكتریا دروست دەكەن و گەرمكردنەوەشیان زیانێكی زۆر بە مرۆڤ دەگەیەنن.
مریشك:
رەنگە لەنێو گۆشتی مریشك بەكتریای كوشندە هەبن، بۆیە پسپۆڕان ئامۆژگاری هاووڵاتییان دەكەن لەنێو فڕن مریشك سوور بكەنەوە و هەروەها گەرمی بكەنەوە، بەهیچ شێوەیەكیش مایكرۆ بەكارنەهێنن.
هێلكە:
باشترە هێلكە گەرم نەكرێتەوە، بەڵام ئەگەر گەرمیش كرایەوە دەبێت لە سەرووی پلەی گەرمی 70 بێت بۆ ئەوەی تەواو پارێزراو بێت بۆ خواردن.
کۆمێنت (0)
تا ئێستا هیچ کۆمێنتێک نەکراوە.