سەرۆكی ئەنجوومەنی باڵای دادوەریی عێراق لەبارەی سەردانەكەی ئەمڕۆی سەرۆك بارزانی بۆ بەغدا و زنجیرە دیدار و كۆبوونەوەكانی لەگەڵ لایەنە فەرمی و سیاسییەکانی عێراق، رایگەیاند كە سەردانەكە گرینگ و مێژووییە.
لە چوارچێوەی سەردانەکەی سەرۆک بارزانی و شاندی یاوەری بۆ بەغدا، ئەمڕۆ چوارشەممە 3ی تەممووزی 2024 سەرۆک مەسعود بارزانی لەگەڵ فایق زێدان سەرۆکی ئەنجوومەنی باڵای دادوەریی عێراق کۆبوویەوە.
لەدیدارەکەدا بیروڕا لەبارەی بارودۆخی سیاسیی عێراق و پەیوەندیی نێوان لایەنەکان و دواپێشهاتە هەرێمایەتییەکان تاوتوێ کرا.
هەر لەو دیدارەدا سەرۆکی ئەنجوومەنی باڵای دادوەریی عێراق خۆشحاڵیی خۆی بۆ سەردانی سەرۆک بارزانی بۆ بەغدا ڕاگەیاند و بە گرینگ و مێژوویی وەسف کرد.
کۆمێنت (0)
تا ئێستا هیچ کۆمێنتێک نەکراوە.