ژمارە تابلۆی ناوازە و دڵخوازەكانی ئۆتۆمبێل دەفرۆشرێن

بەڕێوەبەرایەتی هاتوچۆی پارێزگای هەڵەبجە بڕیاری دا، لەسەر فەرمانی وەزارەتی ناوخۆ دەست بکاتەوە بە فرۆشتنی ژمارە نایاب و دڵخوازەکانی پارێزگای هەڵەبجە.

بەڕێوەبەرایەتی هاتوچۆی هەڵەبجە رایگەیاند: ئاگاداری ئەو هاووڵاتییانە دەكەینەوە كە پێشتر داواکاریان پێشکەش کردبوو بەمەبەستی کڕینی ژمارەی دڵخواز لە بەڕێوەبەرایەتیمان، دەتوانن بەپێی ئەو خشتەیەی کە لە خوارەوە رێکخراوە، سەردانی بەڕێوەبەرایەتیمان بەشی تۆمارکردن بکەن لە ڕۆژی یەکشەممە ڕێکەوتی 30/60/2024 بەدواوە بەمەبەستی تەواوکردنی ڕێکارەکانی پرۆسەی فرۆشتنی ژمارە دڵخوازەکان.

ڕۆژی یەکشەممە 30/6/2024 ئەو هاووڵاتییانەی داواکاریان پێشکەش کردبوو بۆ ژمارەکانی

4000 بەهەموپیتەکانییەوە

5000 بەهەموپیتەکانییەوە

6000 بەهەمو پیتەکانییەوە

سەردانمان بکەن بەمەبەستی ئەنجامدانی تیروپشک بۆیان

ڕۆژی دووشەممە ڕێکەوتی 1/7/2024

7000 بەهەمو پیتەکانییەوە

8000 بەهەمو پیتەکانییەوە

9000 بەهەمو پیتەکانییەوە

10000 بەهەمو پیتەکانییەوە

ئامادەی پرۆسەکەبن بەمەبەستی ئەنجامدانی تیروپشک بۆیان

بەڕێوەبەرایەتی هاتوچۆی پارێزگای هەڵەبجە ئەم تێبینیانەشی خستەڕوو:-

1-  ئەو هاووڵاتییانەی کە فۆرمەکانیان وەرگرتۆتەوە و بێ ڕکابەرن دەتوانن لە رێكەوتی 30/6/2024 بەدواوە سەردانمان بکەن بەمەبەستی تەواوکردنی ڕێکارەکانی کڕینی ژمارە دڵخوازەکان .

2-  هاووڵاتی پێویستە خۆی ئامادەبێت و بەڵگەنامەی یاسایی ( کارتی نیشتیمانی یان ناسنامەی باری شارستانی پێبێت) .

3-  هەر هاووڵاتییەک ئامادەی تیروپشک نەبێت، ناوی ناچێتە ناو تیروپشک و مافی دەفەوتێت .

4-  ڕۆژانە کاتژمێر (9) سەرلەبەیانی پرۆسەکە ئەنجام دەدرێت .

5-  ڕاگەیاندکاران و کەناڵەکانی ڕاگەیاندن دەتوانن هەرکاتێک بیانەوێت ئامادەی پرۆسەکە بن بە شێوازێکی پیشەیی ڕوماڵی پڕۆسەکە بکەن.