سەرۆكایەتی شارەوانی سلێمانی لە ئاگادارییەكدا بۆ هاووڵاتییان و شوفێران رایگەیاند كە بەهۆی كاركردن لە پڕۆژەیەك، ماوەی هەفتەیەك بەشێكی شەقامی مەلیك مەحموود دادەخرێت.
شارەوانی سلێمانی رایگەیاند: ئاگاداری هاووڵاتییان و شۆفێران دەكەینەوە كە لە کاتژمێر 9ی سەرلەبەیانی سبەی پێنجشەممە بۆ ماوەی نزیکەی هەفتەیەک بەشێكی شەقامی مەلیک مەحموود دادەخرێت.
راشیگەیاند: ئەو بەشەی كە لە شەقامەكە دادەخرێت لە نزيك نەخۆشخانەی هەرێمە كە هەردوو ئاراستە بەربەست دەکرێت.
هەروەها رایگەیاند: داخستنی ئەم بەشەی شەقامەكە بە مەبەستی جێبەجێکردنی قۆناغی کۆتایی پڕۆژەی (یەکتربڕی ئارام)ـە.
شارەوانی سلێمانی ئاماژەی بەوەش دا كە شۆفێران دەتوانن شەقامەکانی دەوروبەر و بەشێک لە شەقامی خزمەتگوزاری مەلیک مەحموود بەکاربهێنن وەک شەقامی جێگرەوە.
کۆمێنت (0)
تا ئێستا هیچ کۆمێنتێک نەکراوە.