سەرۆك بارزانی ئەمڕۆ چوارشەممە پەیامێكی بڵاو كردەوە بەبۆنەی دیاریكردنی وادەی هەڵبژاردنی پەرلەمانی كوردستان كە بڕیارە لە رۆژی 20ی ئۆكتۆبەری داهاتوو بەڕێوە بچێت.
سەرۆك بارزانی لە پەیامەكەدا دەستخۆشی لە سەرۆكایەتی هەرێمی كوردستان كرد بۆ دیاریكردنی وادەی هەڵبژاردن و رایگەیاند "پاڵپشتی لە ئەنجامدانی هەڵبژاردنێکی بێگەرد و دوور لە دەستێوەردان دەکەین".
سەرۆك بارزانی هیواشی خواست لایەنە سیاسییەكان رەچاوی دۆخی هەرێمی كوردستان بكەن و هاوكاربن لە سەرخستنی پڕۆسەی هەڵبژاردنی خولی شەشەمی پەرلەمانی كوردستان".
دەقی پەیامەكەی سەرۆك بازرانی:-
بەناوی خودای گەورە و میهرەبان
بەبۆنەی دیاریکردنی وادەی هەڵبژاردنی خولی شەشەمی پەرلەمانی کوردستان لە 20ـی ئۆکتۆبەری 2024، دەستخۆشی لە سەرۆکایەتی هەرێمی کوردستان دەکەم. پاڵپشتی لە ئەنجامدانی هەڵبژاردنێکی بێگەرد و دوور لە دەستێوەردان دەکەین.
خوازیارین لایەنە سیاسییەکان بە ڕەچاوکردنی دۆخی هەرێمی کوردستان بە بەرپرسیارێتییەوە هاوکاربن بۆ سەرخستنی پرۆسەیەکی دیموکراسییانە و پاراستنی سەقامگیری و پێکەوەژیان.
مسعود بارزانی
26ی حوزەیرانی 2024
کۆمێنت (0)
تا ئێستا هیچ کۆمێنتێک نەکراوە.