سەرۆكی حكوومەتی هەرێمی كوردستان ئەمڕۆ دووشەممە واژووی لەسەر بڕیارێكی دیكە بۆ بەرژەوەندیی هاووڵاتییان كرد.
بڕیارەكەی ئەمڕۆی مەسرور بارزانی سەرۆكی حكوومەتی هەرێمی كوردستان تایبەتە بە سوودمەندانی قەرزی بچووك، بەپێی بڕیارەكە لێخۆشبوونی 20% بۆ هەموو ئەو كەسانە دەكرێت كە پێشتر لە قەرزی بچووك سوودمەندبوون.
وەزارەتی كار و كاروباری كۆمەڵایەتی لەبارەی بڕیارەكە رایگەیاند: بڕیاری لێخۆشبوونی سوودمەندانی قەرزی بچووك لە ڕێژەی (20%) لە كۆی گشتی قەرزی نەگەڕاوە دەكرێت.
مەسرور بارزانی سەرۆكی حكوومەتی هەرێمی كوردستان پێشتر بڕیاری لەسەر چەندان لێخۆشبوونی دیكە دەركردبوو، لەوانە لێخۆشبوونی 20%ی قەرزی ئاو و كارەبا و سزای هاتوچۆ و چەندانی دیكە.
وێنە: بڕیارەكەی لێخۆشبوونی 20%ی سوودمەندانی قەرزی بچووك لەلایەن سەرۆكی حكوومەت:-
کۆمێنت (0)
تا ئێستا هیچ کۆمێنتێک نەکراوە.