لە ماوەی چوار رۆژی جەژنی قورباندا لە پارێزگای هەولێر هاتوچۆی ئۆتۆمبێلی بارهەڵگر قەدەغە دەكرێت.
بەڕێوەبەرایەتی هاتوچۆی هەولێر رایگەیاند: ئاگاداری شوفێرانی بارهەڵگر دەکەینەوە کەوا لە هەر چوار ڕۆژی جەژنی قوربانی پیرۆزدا هاتوچۆی ئۆتۆمبێلی بارهەڵگر قەدەغەیە.
راشیگەیاند: ئەو شوێنانەی كە قەدەغەی هاتوچۆی ئۆتۆمبێلانی بارهەڵگر دەیانگرێتەوە بریتین لەو ڕێگایانەی کە دەکەونە سەر شوێنە گەشتیاری و سەیرانگاکان بە تایبەت ڕێگای هەولێر شەقڵاوە.
بەڕێوەبەرایەتی هاتوچۆی هەولێر جەختی كردەوە كە ئەم بڕیارە لەپێناو بەرژەوەندیی گشتی و دروستنەبوونی جەنجاڵی و ئاستەنگی هاتوچۆیە لەم ڕێگایانەدا.
کۆمێنت (0)
تا ئێستا هیچ کۆمێنتێک نەکراوە.