پسپۆڕانی بواری خۆراكی هۆشداریاندا لەگرتنەبەری جۆرێكی نوێی رێجیمكردن كەتێیدا هەموو شتێك قەدەغەدەكرێت و تەنیا ئاو و قاوە و چا دەخورێتەوە بەمەبەستی دابەزاندنی كێش.
ئەو جۆرە رێجیمكردنە كەبە رێجیمی ئاو waterfast# دەناسرێت بەشێوەیەكی بەربڵاو لەتۆڕە كۆمەڵایەتیەكان بانگەشەی بۆ دەكرێت و ژمارەیەكی زۆر هاوڵاتیان باسی ئەو ئەنجامانە دەكەن كەبەهۆی ئەو رێجیمەوە بەدەستیان هێناوە و هانی ئەوانی دیكە دەدەن بەكاری بهێنن بۆ دابەزاندنی كێش ، بەڵام پسپۆڕان هۆشداری دەدەن لەوەی ئەو جۆرە رێجیمكردنە زۆر مەترسیدارە و زیانێكی زۆری بۆ تەندروستی مرۆڤ دەبێت.
جوان لابینر پسپۆڕی خۆراكی بە رۆژنامەی دەیلی مەیلی بەریتانی راگەیاند: ئەو جۆرە رێجیمكردنە پەیوەندی بەكێشەی تەندروستیەوە هەیە و دەبێتە هۆی لەدەستدانی ئارەزووی خواردن ، ئەو جۆرە رێجیمكردنە زۆر قورسە و دەبێتە هۆی لاوازبوون بەشێوەیەكی گشتی و دروستبوونی كەموكوڕیی لەچالاكیە گرنگەكانی جەستە.
ئا: كارزان عەبدوڵا
ژێده‌ر- تەندروستی سلێمانی
کۆمێنت (0)
تا ئێستا هیچ کۆمێنتێک نەکراوە.