ئەمڕۆ دووشەممە مەسرور بارزانی سەرۆکی حکوومەتی هەرێمی کوردستان بەردی بناخەی ڕێگەی دوو سایدی باعەدرێ-ئیتوت- ی دانا.
لە ڕێورەسمەکەدا کە میر حازم تەحسین بەگ میری ئێزیدییان ئامادەبوو، سەرۆکی حکوومەت لە گوتارێکدا ئاماژەی بەوە دا کە بە تەواوبوونی ئەم پڕۆژەیە، خزمەتێکی گەورە بە خەڵکی باعەدرێ و دهۆک و هەولێر و کوردستان بەگشتی دەگەیەنێت.
ئەمەش دەقی گوتاری سەرۆکی حکوومەتە:-
گوتارا سەرۆكێ حكوومەتا هەرێما كوردستانێ ل ڕێورەسمێ دانانا بەرێ بنیاتی یێ ڕێکا هێتیت-باعەدرێ:
بناڤێ خودایێ مەزن و دلۆڤان
ئامادەبوویێت هێژا
گەلەك بخێر هاتن، سوپاسی ئامادەبوونا ئەنگۆ دكەم، ب تایبەت بخێرهاتن و سوپاسیا ئامادەبوونا بەڕێز میرێ ئێزدیا و جڤاتا روحانیا دكەم لێژە بەشدارن ل ڤێ ئاهەنگێ.
ئەز گەلەك خۆشحاڵم كو ئەڤە دووەم جارە ئەڤڕۆ ئەم كۆمدبین بۆ دانانا بەرێ بناغێ بۆ پرۆژەیێت گرنگ ل ڤێ دەڤەرێ.
ئەڤ پرۆژەی نووكە ئەم بەرێ بناغەی بۆ دانێین، پڕۆژەیا ڕێکا هێتیت-باعەدرێیە، كو یەكێكە ل وان پرۆژەی كو زۆر پێویستە و بەشەكێ گرنگە د پرۆژا پێكڤە گرێدانا پارێزگەهێت مە ب رێكێت ستاندارد و باش.
تەمامبوونا ڤێ رێکێ دێ خزمەتەکا مەزن گەهینیتە خەلکێ باعەدرێ و شێخان و دهۆك و هەولێر و کوردستانێ بگشتی.
ئەڤ هەوڵێت مە دەستپێكا چێكردنا تۆڕێت رێكێت بەرفرە و ئۆتۆبانن ل سەراسەرێ كوردستانێ و ب هاریكاریا پسپۆڕێت دەرڤە و شیانێت ناوخۆ، مە دەست ب وان رێكارا كریە كو ئیدی ڕێكەوبان ل هەرێما كوردستانێ ل گۆر پێڤەرێت جیهانی بێنە دروستكرن.
ل ساڵێ بووری سەرباری هەموو ئاستەنگێت دارایی و ئابووری و ئەڤ ئاستەنگێت هاتیە پێش، مە كاركردن ل بیاڤێ ڕێك و پرا رانەگرتیە، بێگومان ب باشتر بوونا رەوشا دارایی دێ هەموو هەوڵێت خۆ دەین بۆ هەندێ ب شێوەیەكی بەرفرە تر و بلەزتریش وان پرۆژانە ئەنجام بدەین.
هەروەك گەلەك بواری دی، بابەتێ فەرهەنگ و كلتوورێ بكار ئینان و سەردەریكردن د گەل ڕێك و جادە و بانان، ئەویش زۆرا گرنگە، ئەركی حكوومەتێیە ب باشترین شێوە جادە و رێك و بانا دروست بكەت و بێخیتە د خزمەتا هاووڵاتییادا و د هەمان وەختدا ئەرکێ هاووڵاتیاشە كو رێنماییێت هاتوچۆیێ ل بەر چاڤ بگرن و خۆ و كەسوكار و هەڤاڵێت خۆ بپارێزن.
هەروەها بابەتەكێ دیێت گرنگ هەی كو ئەم دڤێت ل سەر ویێش چەند ئاخافتنا بكەم، وەكی ئەز دبینم وەكی پێویست نە حكوومەت نە هاووڵاتی گرنگی پێ نەدایە، ئەویش بابەتێ پاراستنا محەرەماتێت جادە و ئۆتۆبان و ڕێكەوبانایە. جێی داخێیە كو دبینین هاووڵاتی زۆرجارا دوكانێت خۆ یان هەندەك جار مالێت خۆش، جێی كەسابەتا خۆ ل نێزیكی جادا چێ دكەن، رەخێت جادا چێ دكەن. ئەڤ چەندەش هەمویا بویە مەترسی بۆ سەر ژیانا وان یا كەسوكارێت وان یا زارۆكێت وان. و ل لایەكی دیش ڤە سیمایا وان جادە و ئۆتۆبانایا تێكدای و ئاریشێت پرۆسا هاتوچونێش هەندەك جارا چێ دكەن.
پێویستە رژدی شول ل سەر ڤێ بابەتێ بهێتە كرن و ڕێك و دەوروبەرێت وێ ل گۆر ستانداردا بهێنە پاراستن، ئەز داخوازێ ل هاووڵاتییا دكەم كو چیدی ڤێ سیمای وا جادانا تێك نەدەن، محەرەماتێت وا جادانا نەبەزینن و داخوازێ ل دەزگای میری و حكوومەتێش دكەم بەردەوام چاڤدێری لسەر ڤان ڕێكانە بكەن، ئەگەر كەسەكێ ب نەزانین یان هەر مەرامەكێ دی،تەجاوزا ل سەر وان محەرەماتا كردبیتن، ئەڤانە هەڵگرن، ب تەفاهوم و تێگەیشتن ل گەل یەكدی، هەندەك جێی دی بۆ بێنە پێشنیاركردن.
جهێ دڵخۆشیێیە كو ل دویڤ ئاماران ل ڤێ دویماهیێ رویدانێن لێکدانێت هاتووچویێ ل ڤێ دەڤەرێ کێم بووینە، ئەویش شكور بۆ خودێ، چونكە زۆر جارا دبنە سەبەبی گیانلەدەستدانا خەڵكەكێ نێزیك وان یان ئەوان ب خۆ و عەزیزێت وان و زۆر ب حەقیقەت، حادیسە و ڕووداوێت دڵتەزێن بون، ئەم گەلەك پێی دڵگران بوون. هێڤیدارم ئەنجامدانا وان پرۆسانە و وان پرۆژا، دروستكرانا وا ڕێكەوبانا ئەڤ ڕووداوەش ڕۆژ ب ڕۆژ كێمتر ببن.
ئامادەبوویێت هێژا
زێدەباری هەمی زەحمەتی و دژواری و قەیرانا، ئەم ل سەر ئەنجامێ پرۆژا بەردەوام بوونە و مە رانەگرتینە دێ بەردەوامیش بین.
ڤێ دەرفەتێش ئەز ب كار دئینم كو پەیامەكێ ئاراستەی مووچەخۆرێت هەرێما كوردستانێ بكەم، ئەرکێ مەیێ بەراهیێ دابینکرنا مووچێت وانە بۆ ڤێ مەرەمێ ئەم بەردەوام د پەیوەندی و هەڤکاریێ داینە ل گەل حکوومەتا فیدرالدا بو هەندێ كو ئەڤ بابەتە بەرەو كۆتایی بچیت، مووچە ب رەنگەکێ بنەرەتی بێنە چارەسەركردن، بابەتی بودجەی بو هەرێما كوردستانێ ب شێوەیەكی بنەڕەتی بێنە چارەسەركردن و چیدی مە ڤان كێشە و ئاریشە و گرفتانەڤە مژول نەكەن، داكو ئەمیش بشێین هێز و ڤەژەنا خۆ یا سەرەکی بۆ خزمەتکرنا خەلکی و پێشکەشکرنا پرۆژەیێت زێدەتر بۆ خەڵكێ دەڤەرێ و هەموو كوردستانێ بێ فەرق و جیاوازی تەرخان بكەین.
ئەز جارەكا دی پیرۆزبایێ ل هەنگۆ دكەم، هێڤیدارم كۆمپانیا جێبەجێكارێ ڤێ پرۆژێ د وەختێ خۆدا ستاندارد جێبەجێ بكات وە هەنگیش مفایێ لێ ببینن، رۆژ ب ڕۆژ كوردستان بەرەڤ ئاڤەدانیەكا زێدەتر پێنگاڤا بهاوێژیت. هینگ هەر سەلامەت و كەیفخۆش بن، كوردستانیش هەری ئاڤەدان بێت.
کۆمێنت (0)
تا ئێستا هیچ کۆمێنتێک نەکراوە.