كەشناسی: سبەی باران دەبارێت

بەڕێوەبەرایەتیی گشتیی كەشناسی و بوومەلەرزەزانی رایگەیاند كە كەشوهەوای ئەمڕۆ هەینی كەمێك تۆز و خۆڵاوی دەبێت و بۆ سبەی شەممەش باران دەبارێت.

كەشناسی سەبارەت بە كەشوهەوای ئەمڕۆ هەینی بڵاوی كردەوە:ئاسمان بە گشتی لەنێوان پەلەهەور و نیمچەهەور دەبێت، لە گەڵ بوونی تۆزێكی كەم لە کەشدا، هەروەها پلەکانی گەرماش بە نزیکەی 1 تــا 2 پلە بەرزتر دەبێت بەراورد بە تۆمارکراوی دوێنێ پێنجشەم.

سەبارەت بە كەشوهەوای سبەی شەممەش، رایگەیاند: ئاسمان نیمچەهەور دەبێت لە هەندێك ناوچە دەگۆڕێت بۆ هەوری تەواو لە ناوچە شاخاوییە بەرزەكانیش ئەگەری كەمێك بارانبارین و هەورەبروسكە هەیە، هەروەها خێرایی باش هەندێك كات زیاد دەكات و دەبێتە هۆی بەرزبوونەوەی تۆزوخۆڵ لە كەشی ناوچەكەماندا.

ئاماژەی بەوەش دا كە لە هەردوو رۆژەكەدا خێرایی با مامناوەند دەبێت و ئاراستەكەشی باشووری خۆرئاوا دەبێت.

بەڕێوەبەرایەتیی كەشناسی پلەی گەرمی پێشبینیکراوی شارەكانی بەمشێوەی خوارەوە بڵاو كردەوە:-

هەولێر: 34

سلێمانى: 33

دهۆك:  34

زاخۆ:  35

هەڵەبجە: 35

کەرکووک: 38

سۆران: 30

حاجی ئۆمەران: 20

گەرمیان: 20