Erbil 15°C سێشەممە 18 حوزەیران 03:20

سەرۆکی حکوومەت لەگەڵ باڵیۆزی کوەیت لە عێراق كۆبووەوە

کوردستان TV
100%

ئەمڕۆ پێنجشەممە مەسرور بارزانی سەرۆکی حکوومەتی هەرێمی کوردستان پێشوازی لە تارق عەبدوڵڵا ئەلفەرەج باڵیۆزی کوەیت لە عێراق کرد.

لە دیدارەکەدا کە عوسمان ئەلداوود کونسولی گشتیی کوەیت لە هەرێمی کوردستان ئامادەی بوو، سەرۆکی حکوومەت جەختی لە گرنگیی بەهێزکردنی پەیوەندیی دۆستانەی نێوان هەرێمی کوردستان و دەوڵەتی کوەیت کردەوە کە مێژوویەکی هاوبەشیان لە ڕووبەڕووبوونەوەی ستەم و دیکتاتۆری هەیە.

باڵیۆزی کوەیت ئاماژەی بەوە دا کە دەوڵەتی کوەیت بە چاوی ڕێز و گرنگییەوە لە ڕۆڵ و پێگەی هەرێمی کوردستان دەڕوانێت و خواستی وڵاتەکەشی بۆ پەرەپێدانی پەیوەندیی دوولایەنە دووپات کردەوە.

لە تەوەرێکی دیکەی کۆبوونەوەدا بیروڕا لەبارەی دەرفەتەکانی برەودان بە وەبەرهێنانی کوەیتی لە هەرێمی کوردستان لە بوارە جۆراوجۆرەکاندا ئاڵوگۆڕ کرا.

کوردستان

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.