لەلایەن مەفرەزەكانی نوسینگەی نەهێشتنی تاوانی ئیبراهیم ئەحمەدەوە تۆمەتبارێك دەستگیركرا كە دزی لەسندوقی كۆكردنەوەی خێری چەند مزگەوتێك كردبوو.
ئهمڕۆ پێنجشهممه 23ی5ی2024، بهرێوهبهرایهتی پۆلیسی پارێزگای سلێمانی بڵاویكردهوه، دوای ئەوەی دزی لەسندوقی كۆكردنەوەی خێری دوو مزگەوت لەشاری سلێمانی كرا، هێزەكانی پۆلیس لێكۆڵینەوەو بەدواداچوونەكانیان دەستپێكردو دوای وەرگرتنی بڕیاری بەڕێز دادوەر، چاودێری خرایە سەر مزگەوتەكان و سەرەنجام توانرا لەكاتی دزیكردنەكەدا تۆمەتبارێك لەلایەن مەفرەزەكانی نوسینگەی نەهێشتنی تاوانی ئیبراهیم ئەحمەدەوە دەستگیربكرێت.
پۆلیس ئاماژهی بهوهش داوه، لەئێستادا تۆمەتبار (ب، ل، ع لەدایكبووی 2003 ) بەبڕیاری دادوەرو بەپێی ماددەی 446 لەیاسای سزادانی عیراقی ڕاگیراوەو لەلێكۆڵنەوەكاندا دانی بەوەدا ناوە كە لەچەند مزگەوتێك لەشاری سلێمانی و مزگەوتێكیش لەشاری هەولێر دزی لەسندوقی كۆكردنەوەی خێر بۆ ئەو مزگەوتانە كردووە.
کۆمێنت (0)
تا ئێستا هیچ کۆمێنتێک نەکراوە.