یەکەم ڕێوڕەسمی پرسە بۆ گیانلەدەستدانی سەرۆكکۆماری ئێران، ئیبراهیم ڕەئیسی و وەزیری دەررەوەی وڵاتەکە، حوسێن ئەمیر عەبدوڵڵاهیان و بەرپرسانی دیکە لە تەبرێز ئەنجامدرا.
لەو ڕێوڕەسمەدا کە لە مەیدانی شوهەدا لە تەبرێز بەڕێوەچوو، دەیان هەزار کەس بەشداریان کرد و، نزایان بۆ سەرۆكکۆماری ئێران، ئیبراهیم ڕەئیسی و وەزیری دەرەوەی وڵاتەکە، حوسێن ئەمیر عەبدوڵڵاهیان و ئیمامی هەینی تەبرێز، محەمەد عەلی ئالیهاشم و پارێزگای ڕۆژهەڵاتی ئازەربایجان، مالیک ڕەحمەتی کرد کە لە ڕووداوەکەدا گیانیان لەدەستدا.
هەروەها لە ڕێوڕەسمەکەدا کە بەرپرسانی ئەمنیی و سەربازیی بەشدار بوون، تەرمەکان لە نێو ئاپۆڕایەکی جەماوەرییدا لە مەیدانی شوهەداوە بەرەو مەیدانی موسەڵڵا بەڕێکران.
تەبرێزییەکان بۆ دوایینجار ماڵئاواییان لە سەرۆكکۆمار ڕەئیسی و قوربانییەکانی دیکە کرد.
ڕێوڕەسمەکان کە لە تەبرێز بە ئەنجامدانی نوێژی مردوو دەستیان پێکرد، ئەمڕۆ لە شاری قوم و سبەیش لە تاران بەردەوام دەبن.
ڕۆژی پێنج شەممە، تەرمی سەرکۆماری ئێران ڕەئیسی لە شاری مەشهەد بەخاک دەسپێردرێت.
کۆمێنت (0)
تا ئێستا هیچ کۆمێنتێک نەکراوە.