میدیاکانی ئیسرائیل بڵاویان کردەوە کە ئیسرائیل بۆ ڕێگریکردن لە ھێرشەکەی شەوی ڕابردووی ئێران، بڕی پێنج ملیار شێکێل (یەک ملیار و 350 ملیۆن دۆلار)، خەرج کردووە.
ڕاوێژکاری پێشووی دارایی سەرۆک ئەرکانی ئیسرائیل، عەمید ڕام ئەمیناح بە ڕۆژنامەی یەدیعووت ئەحرەنووت-ی ڕایگەیاندووە کە تێچووی ئیسرائیل بۆ ڕێگریکردن لە ھێرشەکەی شەوی ڕابردووی ئێران، پێنج ملیار شێکێڵ (یەک ملیار و 350 ملیۆن دۆلار)، بووە.
ھەروەھا عەمید ڕام ئەمیناح گوتوویەتی: من لێرەدا، تەنھا باس لە ڕێگریکردنی لەو ھێرشە دەکەن کە ئێرانییەکان دەستیان پێکردووە و من باسی قوربانییەکان ناکەم کە ئەمجارە پەراوێزخراون.
باسی لەوەش کردووە بۆ ڕێگریکردن لە ھێرشەکەی شەوی ڕابردووی ئێران، مووشەکەکانی "Arrow (HITS)" و "Magic Wand" بەکار ھێنراون و گوتی: تێچووی یەک مووشەکی"Arrow (HITS)" بۆ ئیسرائیل، سێ ملیۆن و 500 ھەزار دۆلارە و تێچووی یەک مووشەکی "Magic Wand "، یەک ملیۆن دۆلارە.
پێشتر گوتەبێژی سوپای ئیسرائیل، دانیێڵ ھاگاری ڕایگەیاندبوو کە شەوی ڕابردوو، 350 مووشەک و فڕۆکەی بێفڕۆکەوان لە ئێرانەوە ئاراستەی ئیسرائیل کراون.
ئاماژەی بەوەشدابوو: لە 200 فڕۆکەی بێ فڕۆکەوان و مووشەکی بالیستی ئێران ڕەوانەی ئیسرائیل کراوە و زۆربەیان بەر لەوەی بگەن بە ئاسمانی وڵاتەکەمان لە لایەن سیستەمی بەرگریی ئاسمانی و یان ھاوپەیمانانمانەوە تێکشکێندراون.
باسی لەوەش کردبوو کە ئێران بۆ ئەنجامدانی ھێرشەکەی شەوی ڕابردوو بۆسەر ئیسرائیل، ئاسمانی ھەریەک لە لوبنان، عێراق و یەمەنی بەکارھێناوە.
کۆمێنت (0)
تا ئێستا هیچ کۆمێنتێک نەکراوە.