سەرلەئێوارەی ئەمڕۆ پێنجشەم تەقینەوەیەكی گەورە لە نزیك وەزارەتی گەیاندن و تەكنەلۆژیای زانیارییەكان لە حكوومەتی تاڵیبان لە كابوولی پایتەخت رووی دا و كوژراو و برینداری لێ كەوتەوە.
ئاژانسی (ئاماج نیوز)ی ئەفغانی بڵاوی كردەوە: تەقینەوە لە ناوەڕاستی شاری كابوول لە نزیك وەزارەتی گەیاندن و تەكنەلۆژیای زانیارییەكانی حكوومەتی تاڵیبان رووی دا.
بڵاویشی كردەوە: لە ئەنجامی تەقینەوەكە 5 ئەندامی تاڵیبان كوژران و 2ی دیكەش بریندار بوون.
لای خۆشییەوە بەرەی مقاوەمەی ئۆپۆزسیۆنی ئەفغانستان كە فەرماندەی سەربازی ئەحمەد مەسعوود رابەرایەتی دەكات، بەرپرسیارەتی تەقینەوەكەی گرتە ئەستۆ.
کۆمێنت (0)
تا ئێستا هیچ کۆمێنتێک نەکراوە.