ئێوارەی ئەمرۆ دووشەم ئومێد خۆشناو پارێزگاری هەولێر سەرپەرشتی کۆبوونەوەیەکی فراوانی تایبەت بە لێژنەی پەرەپێدانی هاتوچۆ لە پارێزگای هەولێر کرد، له كۆبوونه‌وه‌كه‌دا به‌شێوه‌یه‌كی تێروته‌سه‌ل تاوتوێی سیسته‌مێكی نوێی هاتوچۆ و ڕێڕه‌وی تایبه‌تی لێخوڕینی پایسكیل كرا.
پارێزگاری هەولێر ئەجیندا و بیرۆکەی کۆبوونەوەکەی خستەروو و ئەوەی دووپاتکردەوە کە دیاریکردنی رێرەوی تایبەت بە لێخوڕینی پایسکیل لە شەقامە گشتییەکاندا بە پێوەری ستاندەردی شارەستانی، سیمای پایتەخت جوانتر دەکات، بۆ ئەم مەبەستە داوای کرد هەماهەنگی تەواو لەنێوان بەرێوەبەرایەتی هاتووچۆ و سەرۆکایەتی شارەوانی هەولێر لە پرسە پەیوەندارەکان بکرێ تاوەکو بەجێگەیاندنی پلانەکان دروستتر بێت و ستراتیژییەت لە نەوعییەت و میکانیزمی کارەکان پەیڕەو بکرێ و پرۆژە هاوبەش و پەیوەندارەکان رێکتر رایی بکرێ.
ئومێد خۆشناو هاوکات جەختی لەسەر ئاڵوگۆڕکردنی سیستەمی نوێ هاتووچۆ و رێکارەکانی رێکخستەوەی شەقامە گشتییەکانی شار و دەوروبەری و مەسەلەی ئاودانی دارەکان لە دوورگە ناوەندییەکانی شەقامە سەرەکییەکان و رێکپۆشکردنی بازار و تایبەتمەندترکردنی شوێنی راییکردنی کاروباری پیشەوەرانی شار کرایەوە.
لە کۆبوونەوەکە هه‌روه‌ها دووپاتکرایەوە کە نابێ هیچ جۆرە پرسێك بکرێتە پاساوی تەجاوزکردن و شێواندنی رووی شارستانی سیمای شار.
بۆ ئەوەش داوا کرا دیراسەتێك لەسەر ئاستی شەقامەکان ئەنجام بدرێ تاوەکو وەك نموونەیی سەرەکی مامەلەی لەگەڵدا بکرێ و دواتر هەنگاوی دیکەی کردارەکی بە دوا بێت.
کۆمێنت (0)
تا ئێستا هیچ کۆمێنتێک نەکراوە.