به‌ڕێوه‌به‌رایه‌تی هاتوچۆی هه‌ولێر ئه‌مڕۆ یه‌كشه‌م له ئاگادارییه‌كدا بۆ هاووڵاتییان و شوفێران ڕایگه‌یاند كه به‌هۆی به‌ڕێوه‌چوونی ئاهه‌نگه‌كانی سه‌ری ساڵه‌وه، چه‌ند شه‌قامێك له شاری هه‌ولێر داده‌خرێت.
هاتوچۆی هه‌ولێر ڕایگه‌یاند: ئاگاداری هاووڵاتییان و شوفێرانی شاری هەولێر دەکەینەوە كه بە هۆی یادی جەژنی سەری ساڵه‌وه لەپێناو ڕێکخستنی هاتووچۆ، چه‌ند شه‌قامێك بۆ هاتووچۆی ئۆتۆمبێل لەناو شار دادەخرێن.
ڕاشیگه‌یاند: داخستنه‌كه لە کاتژمێر 7ی ئێوارەوه ده‌ست پێ ده‌كات تا ئاسایی بوونەوەی شەقامه‌كان.
شه‌قامه داخراوه‌كانیش بریتین له:-
1- شەقامی ئیسکان (هەردوو سایدی چوون و هاتن).
2- چوارڕێیانی زەیتوونە و داون تاون بەرەو ناو بازاڕ.
3- شەقامی سینەما حەمڕا بەرەو ناو بازاڕ.
4- شەقامی بەردەم پارێزگه‌ی هه‌ولێر بەرەو ناو بازاڕ.
5- شەقامی 100مەتری بەردەم گۆڕستانی شێخ ئەحمەد تا بەردەم فامیلی مۆڵ .
6- لە چوارڕێیانی سەربەستی (جەوازات) تا چوارڕێیانی هۆڵی شەهید مامۆستا سه‌عد (شەقامی درێم ستی، ئێمپایەر) چوون و هاتن.
کۆمێنت (0)
تا ئێستا هیچ کۆمێنتێک نەکراوە.