لە هەولێر 19ناوەندی هەڵبژاردن بۆ دەنگدانی تایبەت دەرگاكانیان بەڕووی دەنگدەراندا كردۆتەوە

ئەمڕۆ شەممە 16-12-2023، ناوەندەكانی هەڵبژاردن لە پارێزگای هەولێر دەرگاكانیان بەڕووی دەنگدەراندا بۆ دەنگدانی تایبەت كردەوە.
محەمەد ئەكرەم ،بەڕێوەبەری نووسینگەی IHEC لە هەولێر، ، بە ئاژانسی هەواڵی عێراقی ڕاگەیاند: پڕۆسەی دەنگدان بۆ دەنگدانی تایبەت پێنج هەزار و 23 ئاوارە لەخۆدەگرێت. ئاماژەی بەوەشكرد، ژمارەی ناوەندەكانی دەنگدان لە پارێزگاكە 19 ناوەندی هەڵبژاردنە لەنێویاندا 49 وێستگە هەیە.
گوتیشی: 110 چاودێر لە بنكەكانی دەنگدان جێگیركراون و بەسەر 5 ڕێكخراودا دابەشكراون، هەروەها 133 بریكاری قەوارە سیاسییەكان بوونیان هەیە .
بەرەبەیانی ئەمڕۆ شەممە بنكەكانی دەنگدان بەرووی دەنگدەران كرایەوە كەتیایدا ئاوارەكان و هێزە ئەمنییەكان بەشداری لە پڕۆسەكەدا دەكەن.
لەعێراق و هەرێمی كوردستان 565 بنكەو 2 هەزارو 367 بنكەی دەنگدان هەیە و لەدەنگدانی تایبەت زیاتر لە ملیۆنێك و 200 هەزار كەس مافی دەنگدانیان هەیە.
وابڕیاریشە دەنگدانی گشتی رۆژی دووشەممە 18 -12-2023 بەڕێوەبچێت.