ڤلادیمێر پووتین سه‌رۆكی ڕووسیا بڕیاریداوه خۆی بۆ هه‌ڵبژاردنه‌كانی سه‌رۆكایه‌تی ڕووسیا هه‌ڵبژێرێته‌وه كه بڕیاره له ساڵی داهاتوو بێته ئه‌نجامدان.
ئاژانسی ده‌نگوباسی (تاس)ی ڕووسی ئه‌مڕۆ هه‌ینی بڵاوی كرده‌وه: پووتین بڕیاریداوه خۆی بۆ هه‌ڵبژاردنه‌كانی سه‌رۆكایه‌تی ڕووسیا هه‌ڵبژێرێته‌وه.
ئه‌مه له‌كاتێكدایه كه په‌رله‌مانی ڕووسیا دوێنێ پێنجشه‌م به ده‌نگی 162 په‌رله‌مانتار بڕیاری دا هه‌ڵبژاردنه‌كانی سه‌رۆكایه‌تی ڕووسیا له ڕێكه‌وتی 17ی ئاداری 2024 بێته ئه‌نجامدان.
په‌رله‌مانی ڕووسیا هه‌روه‌ها بڕیاری دا بۆ یه‌كه‌مجار هاووڵاتییانی ئۆكڕاینی له هه‌ریه‌ك له ناوچه‌كانی دۆنیتسك و لۆگانسك و زاپۆریگیا و خیرسۆن به‌شداری له هه‌ڵبژاردنه‌كانی ئه‌مجاره‌ی ڕووسیا بكه‌ن.
کۆمێنت (0)
تا ئێستا هیچ کۆمێنتێک نەکراوە.