سه‌رۆكی شاره‌وانی مه‌درید داوای له سه‌رجه‌م هاووڵاتییانی شاره‌كه‌ی كرد له ماڵه‌وه بمێننه‌وه و تا كاتێكی نادیار نه‌ینه ده‌ره‌وه، به‌هۆی ئه‌و بارانه زۆر و به‌لێشاوه‌ی كه پێشبینی ده‌كرێ له چه‌ند كاتژمێری داهاتوودا له ناوچه‌كه‌دا ببارێت.
ده‌سته‌ی كه‌شناسی ئیسپانیا هۆشداری توند و ڕه‌نگ سۆری له هه‌ریه‌ك له شاره‌كانی مه‌درید و كادیش و چه‌ند شارێكی ده‌وروبه‌ری هه‌ڵكردووه و پێشبینی كردووه له ماوه‌ی 12 كاتژمێری داهاوودا ڕێژه‌یه‌كی زۆر باران ببارێت و به‌هۆیه‌وه لافاو دروست ببێت.
خۆسێ لویس مارتینێز سه‌رۆكی شاره‌وانی مه‌درید ڕایگه‌یاند كه پێشبینی ده‌كرێ له چه‌ند كاتژمێری داهاتوودا بارانێكی ناسروشتی و زۆر و به‌لێشاو ببارێت، بۆیه داوای له هاووڵاتییان كرد هه‌ر ئێستا بڕۆنه‌وه ماڵه‌وه و به‌هیچ نه‌یه‌نه ده‌ره‌وه و ئۆتۆمبێل به‌كارنه‌هێنن.
هه‌ر به‌هۆی ئه‌م بارانه زۆره‌ی كه پێشبینی ده‌كرێ ببارێت، یه‌كێتی تۆپی پێی ئیسپانیا یاریی نێوان ئه‌تله‌تیكۆ مه‌درید و سڤیلییه‌ی له‌نێو یاریگه‌ی میترۆپۆلیتانۆ له شاری مه‌درید دواخست.
کۆمێنت (0)
تا ئێستا هیچ کۆمێنتێک نەکراوە.