ڤیدیۆ.. چركەساتی تەقینەوەیەك لە ئەمریكا كە بەهۆیەوە پێنج كەس گیانیان لەدەستدا

بەگوێرەی ڤیدیۆیەك كە لە سۆشیال میدیا بڵاوبووەتەوە،ساتەوەختی تەقینەوەیەك لە ویلایەتی پێنسیلڤانیا لە ئەمریكا پیشان دەدرێت كە لەرێگای كامیرای چاودیییەوە تۆماركراوەو بووەتە هۆی گیان لەدەستدانی 5 كەس و چەند كەسێكی دیكەش برینداربوون، ئەمە جگە لە وێرانبوونی سێ خانووی ئەو شوێنە.
لەو بارەیەوە ماڵپەڕی سكای نیوز-ی بەریتانی ئاشكرای كردووە ، ڕووداوەكە بەرەبەیانی ڕۆژی شەممە لەخانوویەك لە ڕۆژئاوای ویلایەتی پێنسیلڤانیا ڕوویداوە، بەتایبەتی لەو گەڕەكەی كە دەكەوێتە دووری 32 كم لە ڕۆژهەڵاتی شاری پیتسبورگ.
بەهۆی تەقینەوەكەش سێ خانوو وێران بوون و لانیكەم 12 خانووی دیكەش دیكەش زیانیان بەركەوتووە.
بەگوێرەی لێدوانی بەرپرسانیش، هۆكاری تەقینەوەكە هێشتا لەژێر لێكۆڵینەوەدایە و لێكۆڵینەوەكەش پڕۆسەیەكی خاو و درێژخایەندەبێت .