Erbil 15°C دووشەممە 24 حوزەیران 17:03

مەكتەبی سیاسی پارتی پەیامێكی ئاراستەی مەكتەبی سیاسی یەكێتی كرد

کوردستان TV
100%

مەكتەبی سیاسی پارتی دیموكراتی كوردستان بە بۆنەی(48)ساڵەی دامەزراندنی یەكێتی نیشتیمانی كوردستان، پەیامی پیرۆزبایی ئاراستەی مەكتەبی سیاسی یەكێتی كرد كە ئەمە دەقەكەیەتی..
بەڕێزان/ مەكتەبی سیاسی و ئەنجومەنی باڵای سیاسی و بەرژەوەندیی یەكێتیی نیشتیمانیی كوردستان..
بە بۆنەی (48) ساڵوەگەڕی دامەزراندنی یەكێتیی نیشتیمانیی كوردستان، پیرۆزبایی لە ئێوەی بەڕێز و ئەندامان و لایەنگرانتان دەكەین و، هیوای بەردەوامی و هەنگاوی نوێتر و باشترتان بۆ دەخوازین.
لەو دەرفەتەدا جەخت دەكەینەوە سەر هەماهەنگی و تەبایی و دۆستایەتی تێكڕای هێز و لایەنە سیاسییەكانی كوردستان بۆ ڕوبەڕوبوونەوەی ئاڵنگاریەكانی قۆناغی ئێستامان و، داكۆكیكردن لە مافەكانی هاوڵاتیان و پاراستنی قەوارەی هەرێم و دەستكەوتەكانمان و، پتەوكردنی گیانی یەكگوتاری و یەكهەڵوێستی سیاسی لەپێناو بەرژەوەندی هاووڵاتیانی كوردستان و چارەسەركردنی گیروگرفت و كێشەكان و ئەنجامدانی هەڵبژاردنی خوولی شەشەمی پەرلەمانی كوردستان و بەهێزتركردنی پایەكانی دیموكراسی.
دووبارە پیرۆزباییتان لێدەكەین.. هەر سەركەوتوو بن..
مەكتەبی سیاسیی 
پارتی دیموكراتی كوردستان

١ـی ٦ـی ٢٠٢٣

کوردستان

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.