دەنگدان لە دەرەوەی توركیا بۆ خولی دووەمی هەڵبژاردنی سەركۆمار دەستیپێكرد

پڕۆسەی دەنگدان بۆ خولی دووەمی هەڵبژاردنی سەرۆكایەتی توركیا لە باڵیۆزخانەی توركیا لە بەغدا پایتەختی عێراق و كۆنسوڵخانەی توركیا لە هەولێر پایتەختی هەرێمی كوردستان دەستی پێ كرد.
بەپێی ئامارەكانی كۆنسوڵخانەی توركیا لە هەولێر، ژمارەی دەنگدەران لە عێراق بریتییە لە پێنج هەزار و 741 كەس، لەو ژمارەیەش سێ هەزار و 834 كەسیان لە هەرێمی كوردستانن.
كاتژمێر 09:00 سندوقەكانی دەنگدان بە رووی دەنگدەراندا كرانەوە و هاووڵاتییانی توركیا لە عێراق و هەرێمی كوردستان بەرەو سندوقەكانی دەنگدان چوون و پڕۆسەكەش ماوەی دوو رۆژ دەخایەنێت.
رۆژی 14ی ئایار، ھەڵبژاردنی سەرۆكایەتی و پەرلەمانی توركیا بەڕێوەچوو كە تیاییدا 25 پارت و 151 پاڵێوراوی سەربەخۆ بەشداربوون و پارتەكان بەسەر پێنج ھاوپەیمانییدا دابەشببوون و دوای راگەیاندنی ئەنجامەكانیش بەھۆی بەدەست نەھێنانی رێژەی تەواو، ھەڵبژاردنی سەرۆكایەتی توركیا كەوتە خولی دووەم و ئەمڕۆش لە دەرەوەی توركیا پڕۆسەی دەنگدانەكە دەستی پێكرد.