گوته‌بێژی سوپای ئه‌مه‌ریكا ئاشكرای كرد كه به‌هۆی كه‌وتنه‌خواره‌وه‌ی دوو هێلیكۆپته‌ریان له دره‌نگانی شه‌وی ڕابردوو، 9 سه‌ربازی وڵاته‌كه‌یان گیانیان له‌ده‌ست دا.
ئه‌نتۆنی هۆڤله‌ر گوته‌بێژی سوپای ئه‌مه‌ریكا گوتی: دره‌نگانی شه‌وی ڕابردوو دوو هێلیكۆپته‌رمان له جۆری (بلاك هۆك) سه‌ر به تیپی 101ی سوپای ئه‌مه‌ریكا له كاتی ئه‌ركێكی ئاساییدا له هه‌رێمی كنتاكی كه‌وتنه خواره‌وه.
گوتیشی: له ئه‌نجامی كه‌وتنه‌خواره‌وه‌ی دوو هێلیكۆپته‌ره‌كه به‌داخه‌وه 9 سه‌ربازمان گیانیان له‌ده‌ست دا.
لای خۆشییه‌وه ئه‌ندی به‌شیر حاكمی هه‌رێمی كنتاكی سه‌رله‌به‌یانی ئه‌مرۆ پێنجشه‌م هه‌واڵی كه‌وتنه‌خواره‌وه‌ی دوو هێلیكۆپته‌ره‌كه‌ی ڕاگه‌یاندبوو و جه‌ختیشی كردبووه‌وه كه كه‌وتنه‌خواره‌وه‌ی هێلیكۆپته‌ره‌كان په‌یوه‌ندی به كاری تیرۆریستی و جه‌نگییه‌وه نییه، به‌ڵكو به‌هۆی ڕووداوێكی ته‌كنیكییه‌وه ڕووداوه‌كه ڕوویداوه.
کۆمێنت (0)
تا ئێستا هیچ کۆمێنتێک نەکراوە.