پێشبینی ده‌كرێ له چه‌ند رۆژی داهاتوودا شه‌پۆڵێكی خۆڵبارین ڕوو له عێراق بكات و به‌شی زۆری ناوچه‌كانی ناوچه‌كانی ناوه‌ڕاست و باشووری عێراق بگرێته‌وه.
سادق عه‌تییه شاره‌زای بواری كه‌شناسی ڕایگه‌یاند: پێشبینی ده‌كرێ شه‌پۆڵێكی خۆڵبارین له دره‌نگانی شه‌وی چوارشه‌م و به‌ره‌به‌یانی رۆژی پێنجشه‌م بگاته عێراق.
ڕاشیگه‌یاند: شه‌پۆڵه‌كه چڕی تۆز و خۆڵه‌كه‌ی له ئاستی مامناوه‌ند ده‌بێت و سه‌ره‌تا له رۆژئاوای پارێزگای نه‌ینه‌وا و ئه‌نباڕ ده‌ست پێ ده‌كات و به‌ره‌و پارێزگاكانی سه‌ڵاحه‌دین و كه‌ركووك و به‌غدا و دواتریش به‌ره‌و واسیت و دیاله و نه‌جه‌ف و ناوچه‌كانی باشوور ده‌ڕوات.
گوتیشی: چڕی تۆز و خۆڵی شه‌پۆڵه‌كه تا به‌ره‌و ناوچه‌كانی باشوور بڕوات كه‌م ده‌بێته‌وه.
جه‌ختیشی كرده‌وه كه ئه‌گه‌ر بارانبارینی چه‌ند رۆژی ڕابردوو نه‌بووایه، ئه‌م شه‌پۆڵه‌ی خۆڵبارین چڕی و كاریگه‌رییه‌كه‌ی زۆر زیاتر و فراوانتر ده‌بوون.
کۆمێنت (0)
تا ئێستا هیچ کۆمێنتێک نەکراوە.