به‌ڕێوه‌به‌رێكی وه‌زاره‌تی بارزگانی و پیشه‌سازی حكوومه‌تی هه‌رێمی كوردستان ئاشكرای كرد كه سه‌رۆك وه‌زیرانی عێراق له میانه‌ی سه‌ردانه‌كه‌ی ئه‌مڕۆ دووشه‌می شاری هه‌ولێر جه‌ختی كردۆته‌وه كه ڕه‌زامه‌ندی پێشانداوه له‌سه‌ر خه‌رجكردنی پاره‌ی ساڵه‌كانی 2014 و 2015 و 2016ی جوتیارانی هه‌رێمی كوردستان.
نه‌وزاد شێخ كامیل به‌ڕێوه‌به‌ری گشتی بازرگانی له وه‌زاره‌تی بارزگانی و پیشه‌سازی ڕایگه‌یاند: لە میانەی سەردانەکەی ئه‌مڕۆ دووشه‌می بۆ شاری هەولێر، مسته‌فا كازمی سەرۆک وەزیرانی حکوومەتی عێراقی فیدراڵ لە وتاره‌كه‌یدا رایگەیاند كه ڕۆژی یەکشەمی ڕابردوو ڕەزامەندی کۆتاییمان داوه بۆ خەرجکردنی پارەی جوتیاران بۆ ساڵه‌كانی 2014، 2015 و 2016.
به‌ڕێوه‌به‌ری گشتی بازرگانی هیواشی خواست بە زووترین کات ئه‌م پاره‌یه‌ی جوتیارانی هه‌رێمی كوردستان دابەش بکرێت.
کۆمێنت (0)
تا ئێستا هیچ کۆمێنتێک نەکراوە.