له پاڵه‌وانێتی كراوه‌ی ئوستڕالیا له یاری تێنسی سه‌رزه‌وی، هه‌ردوو یاریزانی ئوستڕاڵی تاناسی كۆكیناكیس و نیك كیریۆس نازناوی پاڵه‌وانێتیه‌كه‌یان له ئاستی جووتی پیاوان به‌ده‌ستهێنا.
له یاری كۆتاییدا، كۆكیناكیس و كیریۆس به دوو كۆمه‌ڵه‌ی بێ به‌رامبه‌ر له هه‌ردوو هاونیشتیمانیه‌كه‌ی خۆیان ماتیو ئێبدێن و ماكس پورسێلیان برده‌وه.
یاریه‌كه یه‌ك كاتژمێرو سیی و پێنج خوله‌كی خایاندو ئه‌نجامی كۆمه‌ڵه‌كان حه‌وت پێنج، شه‌ش چوار بوو، كۆكیناكیس و كیریۆس یه‌كه‌م دووانه‌ی ئوستڕالین كه له دوای ساڵی هه‌زارونۆسه‌دو نه‌وه‌دوحه‌وته‌وه نازناوی جووتی پیاوان له‌م پاڵه‌وانێتیه به‌ده‌ست دێنن، ئه‌م دوو یاریزانه نۆ ساڵ له‌مه‌وبه‌رو به یه‌كه‌وه نازناوی پاڵه‌وانێتی تێنسی ویمبڵدۆنیان له ئاستی تازه‌پێگه‌یشتوان به‌ده‌ستهێنابوو.
کۆمێنت (0)
تا ئێستا هیچ کۆمێنتێک نەکراوە.