ئه‌ڤرو ده‌م ژمێر (7) سپێدێ رۆژا ئێك شه‌مبى رێكه‌فتى 10/10/2021 ل قوتابخانا راپه‌رین ل تاخێ مالتا ژێرى د.على ته‌ته‌ر پارێزگارێ دهۆكێ ودگه‌ل خێزانا خو ده‌نگ خو دا بو هه‌لبژارتنا ئه‌ندامێن په‌رله‌مانێ عیراقا فیدرال.
پشتى پارێزگارێ دهۆكێ ده‌نگێ خو داى بو ده‌زگه‌هێن راگه‌هاندنێ ئاخفت وگوت: ئه‌ڤرو دگه‌ل خێزانا خو ئه‌م ئێكه‌م كه‌سبوین مه ده‌نگێ خودا بو هه‌لبژارتنێن په‌رله‌مانێ عیراقێ هیڤى دارین خه‌لكێ مه زوو وبگه‌رمى قه‌ستا بنگه‌هێن ده‌نگدانێ بكه‌ن وپشكداریێ دڤێ پروسا دیموكراتى وچاره‌نڤیس دا بكه‌ن چونكه ئه‌ڤه ئه‌ركه‌كێ نیشتمانى یه وچه‌ند رێژا پشكداریێ دهه‌لبژارتنان دا پتر بیت دێ سه‌نگا مه وه‌كو كوردستانى ل سه‌ر ئاستێ عیراقێ وهه‌رێما كوردستانێ ول سه‌ر ئاستێ جیهانى ژى دێ ب هێزتربیت وپتر دێ ره‌نگڤه‌دانا خو هه‌بیت.
سه‌باره‌ت چاوانیا برێڤه‌چونا پرۆسا هه‌لبژراتنا ل پارێزگه‌هێ پارێزگارێ دهۆكێ گوت: پروسه ب ره‌نگه‌كێ ئاسایى وئارام برێڤه‌دچیت وهه‌تا نوكه چ كێشه وئاریشه نه‌هاتینه پێش وخواست كو هه‌موو خه‌لكێ پارێزگه‌هێ ل دووڤ رێنما ویاسایێن كومسیونا هه‌لبژراتنا وبله‌ز قه‌ستا سندوقێن ده‌نگدانێ بكه‌ن ونونه‌رێن خو یێن راسته‌قینه هه‌لبژێرن وكا چاوا پارێزگه‌ها دهۆكێ هه‌رده‌م یا ئێكه‌م بوو ل هه‌لبژراتنێن به‌رى نوكه دڤان هه‌لبژراتنان دا ژى هه‌ر بمینیت یا ئێكه‌م.
هه‌ژى گوتنێ یه (778140) كه‌سا ل سنورێ پارێزگه‌ها دهۆكێ مافێ ده‌نگدانێ هه‌یه وكومسیونا سه‌ربخویا هه‌لبژارتنا لقێ دهۆك (264) بنگه‌هێن ده‌نگدانێ به‌رهه‌ڤكرینه كو هاولاتى ده‌نگێ خو بده‌نه ڤێ پروسا دیموكراتى.
پارێزگارێ دهۆکێ داخوازکر کو خه‌لکێ پارێزگه‌هێ ب گه‌رمى قه‌ستا بنگه‌هێن ده‌نگدانێ بۆ هه‌لبژارتنێن په‌رله‌مانێ بکه‌ن
100%
كوردستان TV
کۆمێنت (0)
تا ئێستا هیچ کۆمێنتێک نەکراوە.