ئەمڕۆ دووشممە سەفین دزەیی بەرپرسی فەرمانگەی پەیوەندییەکانی دەرەوە لەکەڵ فوئاد ئه‌لمجلی کونسوڵی گشتی شانشینی هاشمی ئەردەن لە هەرێمی کوردستان کۆبووەوەو تیایدا پیرۆزبایی دەستبەکار بوونی لێیان کرد و هیوای سەرکەوتنی بۆ خواست.
هاوکات ئامادەیی فەرمانگەی پەیوەندییەکانی نیشاندا بۆ هاوکاری و هەماهەنگی بەردەوام بۆ سەرخستنی کارەکانیان و بەرەوپێش بردنی پەیوەندی دوو قۆڵیەکان.
پەرەپێدانی بوارەکانی ئابووری و بازرگانی و کەلتوری و پەروەردەیی تەوەرێکی تری کۆبوونەوەکە بوو.
کونسوڵی گشتی ئەردەن خۆشحاڵی خۆی بە ئاستی پەیوەندییەکانی نێوان هەردوولا دەربڕی و هیوای خواست لەسەرجەم بوارەکان بتوانن پەیوەندییەکانیان بەرەو پێش ببەن.
کۆمێنت (0)
تا ئێستا هیچ کۆمێنتێک نەکراوە.