تیروپشکی قۆناغی کۆمه‌ڵه‌کانی خولی کۆنگره‌ی ئه‌وروپا بۆ تۆپی پێ ڕاکێشرا

 تیروپشكی قۆناغی كۆمه‌ڵه‌كانی خولی كۆنگره‌ی ئه‌وروپا بۆ تۆپی پێ له‌ ئیسته‌نبوڵ ڕاكێشرا.
 ئه‌م خوله‌ بۆ یه‌كه‌مجاره‌ سازده‌كرێت و تایبه‌ته‌ به‌و یانانه‌ی كه‌ نه‌گه‌یشتوونه‌ته‌ ڕكابه‌ریه‌كانی چامپیۆنس لیگ و یۆرۆپالیگ، له‌ تیروپشكه‌كه‌دا سیی و دوو یانه‌ به‌سه‌ر هه‌شت گڕوپ دابه‌شكران، یانه‌ی ڕۆمای ئیتاڵی یه‌كێكه‌ له‌ یانه‌ به‌ناوبانگه‌كانی خوله‌كه‌و له‌ تیروپشكدا كه‌وته‌ گڕوپی سێیه‌م و ڕووبه‌ڕووی یانه‌كانی بۆدۆ گلیمتی نۆروێژی و سیسكا سۆفیای بولگاری و زۆریا لوهانسكی ئۆكرانی ده‌بێته‌وه.
 هاوكات یانه‌ی تۆتنهامی ئینگلیزی یانه‌یه‌كی به‌ناوبانگی دیكه‌ی خوله‌كه‌یه‌و له‌ گڕوپی حه‌وته‌م یاری له‌گه‌ڵ یانه‌كانی ڤیتیس ئارنهیمی هۆڵه‌ندی و مورای سلۆڤینی و ڕینی فه‌ڕه‌نسی ده‌كات، یاریه‌كانی قۆناغی كۆمه‌ڵه‌كان له‌ شازده‌ی مانگی داهاتوو ده‌ستپێده‌كات و یاری كۆتاییش له‌ بیستوپێنجی ئایاری ساڵی داهاتوو له‌ تیرانای پایته‌ختی ئه‌لبانیا به‌ڕێوه‌ده‌چێت .