له شاری ئیسته‌نبوڵی توركیا، تیروپشكی قۆناغی كۆمه‌ڵه‌كانی وه‌رزی نوێی خولی ئه‌وروپا ناسراو به یۆرۆپالیگ ڕاكێشرا.
له تیروپشكه‌كه‌دا، سی و دوو یانه به‌سه‌ر هه‌شت كۆمه‌ڵه دابه‌شكران، له ئه‌نجامدا، یانه‌ی لیۆن كه‌وته گڕوپی یه‌كه‌م و شان به شانی یانه‌كانی ڕێنجه‌رزو سپارتا پراگاو برۆندبی یاری ده‌كات، گڕوپی دووه‌میش یانه‌كانی مۆناكۆ و ئایندهۆڤن و ڕیال سۆسیدادو شتۆرم گراتسی به‌یه‌كه‌وه كۆكرده‌وه.
هاوكات یانه‌ی ناپۆلی كه‌وته گڕوپی سێیه‌م و ڕووبه‌ڕووی یانه‌كانی لیسته‌رسیتی و سپارتاك مۆسكۆ و لیگا وارشۆ ده‌بێته‌وه، گڕوپی چواره‌میش یانه‌كانی ئۆلۆمپیاكۆس و ئینتراخت فرانكفۆرت و فه‌نه‌ربه‌خچه‌و ڕۆیال ئه‌نتوێرپ به‌خۆوه ده‌گرێت.
هه‌رچی گڕوپی پێنجه‌مه پێكهاتووه له یانه‌كانی لاتسیۆ و لۆكۆمۆتیڤ مۆسكۆ و مارسێلیاو گه‌ڵاته‌سه‌رای، هه‌روه‌ها یانه‌كانی سپۆرتینگ براگاو ڕێدستارو لۆدۆگۆریتس ڕازگرادو میتیلاند كه‌وتنه گڕوپی شه‌شه‌م، گڕوپی حه‌وته‌میش پێكدێت له یانه‌كانی بایه‌رلیڤه‌ركوزن و سێلتیك و ڕیال بێتیس و فرینكڤارۆزی.
له گڕوپی هه‌شته‌م و كۆتایشدا، یانه‌كانی دینامۆ زه‌گرب و جێنیك و وێستهام و ڕاپید ڤیه‌ننا به‌یه‌كه‌وه یاری ده‌كه‌ن، یاریه‌كانی قۆناغی كۆمه‌ڵه‌كان له شازده‌ی مانگی داهاتوو ده‌ستپێده‌كات.
تیروپشکی یارییه‌کانی یۆرۆپالیگ بۆ وه‌رزی نوێ راکێشرا
100%
کۆمێنت (0)
تا ئێستا هیچ کۆمێنتێک نەکراوە.