وەزارەتی کارەبا له ڕوونكردنه‌وه‌یه‌كدا ڕایگه‌یاند:لە هەندێ پەیجی سۆشیاڵ میدیا بە مەبەستی بەلارێدا بردنی رای گشتی و بەدەستهێنانی هەندێ لایک، لێدوانێکی وەزیری کارەبایان بە پێچەوانەوە بڵاو کردووەتەوە.
لەکاتێکدا وەزیری کارەبا لە لێدوانەکەیدا دەڵێت: دۆخی هاووڵاتیانمان لە بەرچاو گرتووە و کارەبای کەسمان بەهۆی کەڵەکەبوونی قەرزەکانەوە نەبڕیوە. هەواڵی ئەم پەیجانە دوورە لە راستییەوە و هیچ بنەمایەکی نییە، دەقی قسەکانی وەزیری کارەبا لە پەیجی وەزارەت بڵاو کراوەتەوە.
ڕاشیگه‌یاندووه: داوا لە دەزگاکانی راگەیاندن و هاووڵێتیان دەکەین بۆ راستی و دروستی بابەت و لێداونەکانی تایبەت بە بەڕێز وەزیر و بەڕێوەبەرانی وەزارەتی کارەبا تەنیا سەردانی پەیجەکانمان بکەن کە گوزارشت لە ڕای فەرمیی وەزارەت و بەڕێوەبەرایەتییەکانی دەکەن. وەزارەتی کارەبا، وەزارەتێکی خزمەتگوزارییە و ئامانجی گەیاندنی خزمەتگوزارییە بە هاووڵاتییان.
بە لارێدا بردنی رای گشتی و بڵاوکردنەوەی هەواڵی بێ بنەما خزمەتی هیچ لایەنێک ناکات و لە ئەگەری دووبارەبوونەوەی هەر هەواڵێکی چەواشەکارانە، بە مافی خۆمان دەزانین لە رێگەی یاساوە رێوشوێن بگرینە بەر.
داواش لە دەزگاکانی راگەیاندن دەکەن پیشەیانە لەگەڵ لێدوان و بابەتەکان مامەڵە بکەن.
کۆمێنت (0)
تا ئێستا هیچ کۆمێنتێک نەکراوە.