بارەگای بارزانی: سەرۆک بارزانی هیچ جۆرە چاوپێکەوتنی لەگەڵ که‌ناڵی 24ی فەڕەنسی نەبووە

بارەگای بارزانی روونکردنەوەیەکی سەبارەت بە هەواڵێکی ژمارەیەک سایت و پێگەی میدیایی عێراقی بڵاوکردەوە، رایگه‌یاند: لێرەدا بە هەموو لایەک ڕادەگەیێنین، سەرۆک بارزانی هیچ جۆرە چاوپێکەوتنی لەگەڵ که‌ناڵی 24ی فەڕەنسی نەبووە.

ڕوونکردنەوەیەک لە بارەگای بارزانی

لە ژمارەیەک سایت و پێگەی میدیایی عێراقی وا بڵاوکراوتەوە کە گوایە سەرۆک بارزانی چاوپێکەوتنێکی لەگەڵ کاناڵ 24ی فەڕەنسی هەبووە.

لێرەدا بە هەموو لایەک ڕادەگەیێنین ئەم بابەتە هیچ بنەمایەکی نییە، و سەرۆک بارزانی هیچ جۆرە چاوپێکەوتنی لەگەڵ کاناڵی 24ی فەڕەنسی نەبووە.

ئەم بابەتە دوورە لە ڕاستی و ئامانجی بڵاوکردنەوەی بابەتی بێ بنەماش بۆ هەموو لایەک ڕوونە.

بارەگای بارزانی
31ی تەمموزی 2021