عه‌زیز ئه‌حمه‌د په‌یامنێری كوردستان تیڤى رایگه‌یاند، به‌یانی ئه‌مڕۆ یه‌كشه‌مه 4 ى 7 ى 2021 له وڵاتی ئه‌ڵمانیا كه‌سایه‌تی دیاری ئێزدییان فه‌همی حه‌سه‌ن عومه‌ر ناسراو به فه‌همی باعه‌درێ كۆچی دوایی كرد.
په‌یامنێری كوردستان تیڤی راشیده‌گه‌ێنێت: فه‌همی باعه‌درێ به‌نه‌خۆشی كۆچی دوایی كردووه ، له‌ماوه‌ی چه‌ند رۆژی داهاتوو ته‌رمه‌كه ده‌گاته‌وه هه‌رێمی كوردستان .
فه‌همی حه‌سه‌ن عومه‌ر ناسراو به فه‌همی باعه‌درێ كه‌سایه‌تی دیار و راوێژكاری جفاتی رۆحانی ئێزدییه‌كان له ساڵی 1952 له ناحیه‌ی باعه‌درێ له دایكبووه ، تا كۆچی دوایشی وه‌ك راوێژكار له جفات بووه و له هه‌مانكاتیشدا له یه‌كێك له قوتابخانه‌كانی سنوره‌كه مامۆستا بووه .
کۆمێنت (0)
تا ئێستا هیچ کۆمێنتێک نەکراوە.