ژمارەیەک ئەندامی فراکسیۆنی پارتی بە نوێنەرایەتیی فراکسیۆن، سەردانی کەمپی شاریایان کرد و وێڕای دەربڕینی هاوخەمیی فراکسیۆن بەهۆی سووتانی کەمپەکە، هاوکاریی فراکسیۆنیان گەیاندە هاووڵاتییانی کوردی ئێزدی لە کەمپەکە.
ئەندامانی فراکسیۆنی پارتی جەختیان لەوە کردەوە، کە پێویستە حکوومەتی عێراق هاوکارییە گەیشتووەکان بە یەکسانی بەسەر کەمپەکانی ئاوارەکان دابەش بکات. هاوکارییەکەی فراکسیۆنی پارتی بریتی بوو لە دابینکردنی کەلوپەلی خواردن و پێویستییەکانی رۆژانە بۆ ماوەی 15 رۆژ بۆ 900 کەس لە کەمپەکە.
دوای گەیاندنی هاوکارییەکە بە ئاوارەکانی کەمپی شاریا، شاندی فراکسیۆن لەگەڵ عەلی تەتەر، پارێزگاری دهۆک کۆبووەوە و گفتوگۆیان لە بارەی رەوشی دهۆک و ئاستی خزمەتگوزارییەکان کرد. ئەندامانی شاندەکەی فراکسیۆنی پارتی پێکهاتبوون لە: ـ ژیان تاهیر، ئەندامی فراکسیۆن و بەڕێوەبەری نووسینگەی پەرلەمانی کوردستان لە دهۆک ـ لیزا کاکەیی، نوێنەری دەستەی سەرۆکایەتیی فراکسیۆن و ئەندامی لێژنەی ناوچە کوردستانییەکان لە پەرلەمان ـ جوان رۆژبەیانی، ئەندامی فراکسیۆن و سەرۆکی لێژنەی ناوچە کوردستانییەکان ـ هەدیە موراد، ئەندامی کوردی ئێزدیی فراکسیۆن و ئەندامی لێژنەی ناوچە کوردستانییەکان ـ مەم ئەسکەندەر، ئەندامی فراکسیۆن و ئەندامی لێژنەی ناوچە کوردستانییەکان>
کۆمێنت (0)
تا ئێستا هیچ کۆمێنتێک نەکراوە.