به‌ره‌به‌یانی ئه‌مڕۆ چه‌ند مووشه‌کێک ئاراسته‌ی شاری هه‌ولێر کراون

به‌ره‌به‌یانی ئه‌مرۆ چه‌ند مووشه‌ك ئاراسته‌ی شاری هه‌ولێر كرا و یه‌كێكیش له‌ مووشه‌كه‌كان به‌ر ماڵی هاووڵاتییه‌ك كه‌وتووه‌.

په‌یامنێری كوردستان تیڤی له‌سه‌ر زاری سه‌رچاوه‌یه‌كی به‌رپرسه‌وه‌ گواستییه‌وه‌، به‌ره‌به‌یانی ئه‌مرۆ چه‌ند مووشه‌كێك ئاراسته‌ی شاری هه‌ولێر كراون.

په‌یامنێری كوردستان تیڤی گوتیشی: مووشەکەکان لە دەرووبەری هەولێر کەوتوونەتە خوارەوە و تائێستا نەزانراوە لە کوێ ئاراستە کراون.

ئاماژه‌ی به‌وه‌ش كرد، دوو لە مووشەکەکان لە گوندی سێوەلە کەوتوونەتە خوارەوە و بەر ماڵێک کەوتوونە و تەقیونەتەوە و زیانیان به‌ دوو ئۆتۆمبێل گه‌یاندووه‌.

په‌یامنێری كوردستان تیڤی ده‌شڵێت: یەکێکی دیکە لە هەمان گوند بەر خانوویک کەوتووە و نەتەقیوەتەوە، تەنها زیانی مادی هەبووە، دوو مووشەکەکەی دیکەش لە دەربەندی گۆمەسپان کەوتوونەتە خوارەوە و تەنها یەکێکیان تەقیوەتەوە.