یه‌كێتی تۆپی پێی پیرۆ ڕایگه‌یاند كه یه‌كێك له ئه‌ندامانی تیمی ڕاهێنه‌رانی هه‌ڵبژارده‌ی پیرۆ تووشی ڤایرۆسی كۆرۆنا بووه، ئه‌ویش چه‌ند ڕۆژێك به‌ر له یه‌كه‌م یاری پیرۆ له پاڵه‌وانێتی كۆپا ئه‌مه‌ریكا بۆ تۆپی پێ كه به‌ڕازیل میوانداریكردووه.
یه‌كێتیه‌كه له به‌یاننامه‌یه‌كدا ئاشكرایكرد كه نێستۆر بۆنیلۆ ڕاهێنه‌ری توانای جه‌سته‌یی هه‌ڵبژارده‌ی پیرۆ تووشی كۆرۆنا بووه‌و له ئه‌ندامانی دیكه‌ی تیپه‌كه جیاكراوه‌ته‌وه‌و كه‌ره‌نتین كراوه.
هه‌ر له به‌یاننامه‌كه‌دا هاتووه كه باری ته‌ندروستی بۆنیلۆ باشه‌و له‌گه‌ڵ شاندی هه‌ڵبژارده‌كه گه‌شتی به‌رازیل ناكات، جێگای باسه پێنجشه‌ممه‌ی داهاتوو هه‌ڵبژارده‌ی پیرۆ یه‌كه‌م یاری خۆی له پاڵه‌وانێتی كۆپا ئه‌مه‌ریكا له‌به‌رامبه‌ر هه‌ڵبژارده‌ی به‌ڕازیلی میوانداری پاڵه‌وانێتیه‌كه ئه‌نجامده‌دات.
یه‌کێتی تۆپی پێی پیرۆ: یه‌کێک له ئه‌ندامانی تیمی ڕاهێنه‌رانی هه‌ڵبژارده‌که‌مان تووشی کۆرۆنا بوو
100%
كوردستان TV
کۆمێنت (0)
تا ئێستا هیچ کۆمێنتێک نەکراوە.