پارێزگارێ دهۆکێ پێشوازیی ل شاندەکێ هەڤپشکێ پەرلەمانێ کوردستانێ و جڤاتا نۆینەرێن عیراقێ کر

ئەڤرۆ رۆژا سێشەمبی رێکەفتی ٢٠٢١/٦/٨”د.عەلی تەتەر” پارێزگارێ دهۆکێ پێشوازیی ل شاندەکێ هەڤپشکێ پەرلەمانێ کوردستانێ کو ژلژنا پێشمەرگە و ئاسایش و ناڤخۆ و تەندروستی و ژینگەهـ و شاندەکێ جڤاتا نۆینەرێن عیراقێ یێ لژنا ئاسایش و بەرەڤانیێ و لژنا دیڤچوونا حکۆمەتێ کر.
درۆنشتنێدا ل دۆر ئەو ئالۆزیێن دەڤەرێن سنۆری دناڤبەرا چەکدارێن پەکەکێ و لەشکەرێ تۆرکیا و هێرشا چەکدارێن پەکەکێ بۆ سەر هێزێن پێشمەرگێ کوردستانێ و شەهیدبوونا شەش پێشمەرگێن قەهرەمان و برینداربوونا هژمارەکا پێشمەرگێن کوردستانێ دڤێ حەفتیێدا و بابەتێ بڕینا دارێن دەڤەرێن سنۆری بتێر و تەسەلی دانوستاندن کر.
پارێزگارێ دهۆکێ دپەیڤەکێدا راگەهاند ئەم ب هیچ رەنگەکی دگەل هەبوونا چ هێزێن چەکداری دسنۆرێ پارێزگەها دهۆکێدا نینین کو ل دەرڤەیی قانون و شەرعیەتێ زۆرداریێ ل ئاخ و خەلکێ هەرێما کوردستانێ دکەن و دخوازین دەڤەرا مە نەکە گۆرەپانا ڤاڤارتنێن لەشکەریی و حساباتێن خۆ و ژ ئاخا مە دەرکەڤن، و داخواز ژ هەردوو لژنان کر ژنێزیک وان دەڤەران ببینن و ژیوارێ وان دەڤەران بگەهینە جڤاتا نۆینەرێ عیراقێ ل دویڤ دەستور و قانونێن کۆمارا عیراقا فیدرال و پەرلەمانێ کوردستانێ سەروەریا ئاخا هەرێما کوردستانێ بپارێزن ژ هەر دەستدرێژیەکا دەرەکی. پاشان دکۆنگرەکێ رۆژنامەڤانیدا شاندێ مێهڤان و پارێزگارێ دهۆکێ ناڤەرۆکا سەرەدانێ بۆ رایا گشتی دیارکر.