سه‌باره‌ت به یاری كلاسیكۆی ئه‌م شه‌وی نێوان ڕیال مه‌دریدو بارسێلۆنا، زێنه‌دین زێدانی فه‌ڕه‌نسی و راهێنه‌ری ڕیال مه‌درید له كۆنگره‌یه‌كی ڕۆژنامه‌وانیدا ڕایگه‌یاند كه به شێوه‌یه‌كی تۆكمه تیپه‌كه‌ی بۆ یاری به‌رامبه‌ر بارسا ئاماده‌كردووه‌و به‌و په‌ڕی تواناوه هه‌وڵی بردنه‌وه‌ی سێ خاڵی یاریه‌كه ده‌ده‌ن.
زێدان گوتیشی، له یاریه‌كانی كلاسیكۆدا هه‌رده‌م ئه‌ركی تیپه‌كه‌مان سه‌خت و ئاڵۆزه، به‌ڵام ده‌بێت بۆ ڕووبه‌ڕوو بوونه‌وه‌كه له ئاماده‌باشیدا بین و تا فیكه‌ی كۆتایی بجه‌نگین له‌پێناو بردنه‌وه‌ی سێ خاڵی گرنگ بۆ یانه‌كه‌مان.
زێدان ڕه‌تیشیكرده‌وه كه ئه‌نجامی كلاسیكۆ یه‌كلایی كه‌ره‌وه بێت بۆ ده‌ستنیشانكردنی پاڵه‌وانی ئه‌م وه‌رزه‌ی لالیگا، له وه‌ڵامی پرسیارێكیش سه‌باره‌ت به ڕۆڵی مێسی له ڕیزی بارسێلۆناو مه‌ترسی یاریزانه‌كه له‌سه‌ر گۆڵی ڕكابه‌ره‌كانی، زێدان گوتی، مێسی ئه‌گه‌ر گۆڵیش نه‌كات هه‌رده‌م ئاستی به‌رز پێشكه‌شده‌كات و هه‌ست به گرنگی ڕۆڵی ئه‌م یاریزانه ده‌كه‌ین له یاریه‌كانی تیپه‌كه‌یدا، به‌ڵام بارسێلۆنا به‌گشتی تیپێكی به‌توانایه‌و ده‌بێت هه‌وڵی ڕاگرتنیان بده‌ین تا سه‌ركه‌وتن له‌به‌رامبه‌ریان تۆماربكه‌ین .
کۆمێنت (0)
تا ئێستا هیچ کۆمێنتێک نەکراوە.