لیژنه‌ی ته‌ندروستی و سه‌لامه‌تی نیشتمانیی عێراق ئه‌مڕۆ هه‌ینی، ژماره‌یه‌ك راسپارده‌ی له‌باره‌ی ڤایرۆسی كۆرۆناوه ده‌ركرد و رایگه‌یاند: به‌هه‌موو جۆرێك رێگری ده‌كرێت له به‌كارهێنانی ڤاكسین له‌ده‌ره‌وه‌ی دامه‌زراوه فه‌رمیه‌كانی ته‌ندروستی.
له‌راگه‌یه‌ندراوێكدا لیژنه‌ی باڵای ته‌ندروستی و سه‌لامه‌تی نیشتمانی رایگه‌یاند: بڕیاردراوه به رێگریكردن له به‌كارهێنانی ڤاكسینی كۆرۆنا له ده‌ره‌وه‌ی دامه‌زراوه فه‌رمییه‌كان، هه‌روه‌ها رێگریش ده‌كرێت له هاورده‌كردنی ڤاكسینی كۆرۆنا به‌بێ ڕه‌زامه‌ندی وه‌زاره‌تی ته‌ندروستی.
لیژنه‌ی باڵای ته‌ندروستی و سه‌لامه‌تی نیشتمانی جه‌ختیشی له‌سه‌ر رێگریكردن له‌دروستبونی كۆبوونه‌وه و گردبوونه‌وه‌ی هاووڵاتیان و پێشێلكارییه‌كانی رێكاره خۆپارێزیه‌كان كرده‌وه و ئه‌وه‌شی خسته‌ڕوو، وه‌زاره‌تی په‌روه‌رده راسپێردراوه به‌دواداچوون بۆ داخستنی خوێندنگه ئه‌هلیه‌كان بكات.
له‌راگه‌یه‌ندراوه‌كه‌دا ئه‌وه‌ش خراوه‌ته‌ڕوو، له رۆژانی قه‌ده‌غه‌ی هاتوچۆ ده‌وامی ده‌رمانخانه‌كان له كاتژمێر هه‌شتی ئێواره داده‌خرێن.
کۆمێنت (0)
تا ئێستا هیچ کۆمێنتێک نەکراوە.