دوێنێ نرخی خاوی برێنت گه‌یشته 64 دۆلار و 13 سه‌نت و رۆژه‌كه‌ی به 62 دۆلار و 70 سه‌نت ته‌واو كرد.
ئه‌مڕۆ، نرخه‌كان هه‌ڵكشانی به‌خۆوه‌بینی و به 63 دۆلار و 63 سه‌نت مامه‌ڵه‌ی پێوه‌كرا.
له هه‌مان كاتدا به‌رمیلێك نه‌وتی رۆژئاوای تێكساس به 60 دۆلار و 68 سه‌نت فرۆشرا.
هه‌ڵمه‌تی ڤاكسیندان دژبه كۆرۆنا، رۆڵی هه‌بووه له زیادبوونی خواست له‌سه‌ر نه‌وت و به‌رزبوونه‌وه‌ی نرخه‌كان.
هه‌روه‌ها دوێنێ سه‌رۆكی ئه‌مریكا، جۆ بایدن له كۆنگره‌یه‌كی رۆژنامه‌وانییدا ئه‌وه‌ی ئاشكرا كرد كه تا كۆتایی مانگی ئایار به ئه‌ندازه‌ی هه‌موو هاووڵاتییانی ئه‌مریكا، ڤاكسینی دژه‌كۆرۆنایان ده‌بێت، ئه‌مه‌ش هۆكارێكی دیكه‌ی به‌رزبوونه‌وه‌ی نرخه‌كانه.
کۆمێنت (0)
تا ئێستا هیچ کۆمێنتێک نەکراوە.