فوئاد حوسێن، وه‌زیری ده‌ره‌وه‌ی عێراق، له‌گه‌ڵ محه‌مه‌د جه‌واد زه‌ریف ، وه‌زیری ده‌ره‌وه‌ی ئێران، تاوتوێی ره‌وشی ھه‌رێمیی و نێوده‌وڵه‌تییان كرد.
ئه‌حمه‌د سه‌حاف، گوته‌بێژی وه‌زاره‌تی ده‌ره‌وه‌ی عێراق، له تویتێكدا بڵاویكرده‌وه كه فوئاد حوسێن له‌چوارچێوه‌ی سه‌ردانه‌كه‌ی بۆ تاران له‌گه‌ڵ محه‌مه‌د جه‌واد زه‌ریف كۆبووه‌ته‌وه.
ئه‌حمه‌د سه‌حاف راشیگه‌یاندووه كه له كۆبوونه‌وه‌كه‌دا، په‌یوه‌ندییه دووقۆڵییه‌كانی نێوان عێراق و ئێران تاوتوێكراوه و، ھه‌روه‌ھا سه‌باره‌ت به پێشھاته‌كانی ره‌وشی ھه‌رێمی و نێوده‌وڵه‌تی و ره‌نگدانه‌وه‌ی ئه‌و پێشھاتانه له‌سه‌ر به‌رژه‌وه‌ندییه ھاوبه‌شه‌كانی نێوان ھه‌ردوو وڵات گفتوگۆكراوه.
ئه‌مڕۆ شه‌ممه وه‌زیری ده‌ره‌وه‌ی عێراق، فوئاد حوسێن گه‌یشتبووه تاران پایته‌ختی ئێران.
کۆمێنت (0)
تا ئێستا هیچ کۆمێنتێک نەکراوە.